Notisia

Hopi pregunta durante presentashon riba plannan pa Plantashi Bolivia

Riba un pantaya grandi por a sigui kon e plannan ta hinká den otro. Pòtret: ABC Online Media

KRALENDIJK- Riba djaweps a tuma lugá na Delfin’s Beach resort un presentashon tokante future desaroyo Plantashi Bolivia. 

Erik Berkelmans di e kompania Matafoor a splika tokante e plannan ku tin riba mesa aktualmente. No a papia solamente tokante kiko lo bin den e área, pero tambe ela konta di diferente téknikanan inovativo pa Evita daño na medio ambiente. 

Por ehèmpel lo no bai koba berput, pero ta bai usa baki fangu e awa pa resiklá esaki. Ta bai hasi uso di hopi enegia solar i lo no bai koba den klep pa traha fundeshi. Tambe lo stimuli pa e kasnan den e área pas den tradishon di Boneiru ku su koló hel tradishonal 

Tienda

Na entrada di e área lo bin lugánan pa kumpra kos, tienda, loke ta krea trabou pa mas hende. E parti kantu di laman ta keda habrí, no ta bai konstruí nada riba esaki. Outo por keda pasa e área kantu di laman praktikamente manera e ta awor. E parti di kuebanan ta bai krea kaminda pa hende kana i baiskel kore un área sosial.

Krítiko

Den e espasio ku a duna pa hasi pregunta, por a nota di parti di prensa ku a bin ku hopi pregunta basta krítiko. Por ehèmpel a mustra riba kondishonan ménos faborabel den e área pa traha kas, dor di e salpeter den aire. Tambe a hasi pregunta ku juist den e área aki ke traha kas, kaminda ku tin otro parti ku esaki por tuna lugá ku ménos daño na naturalesa. 

Tambe a hasi e pregunta, dikon no a invitá mas partido ku ta para hopi skeptiko tokante desaroyo di e area aki. “Awe nos ker a papia tokante e plannan ku tin, anto nos no ke pa esaki bai kaba den un diskushon grande entre esnan ku de desaroyá e área i esnan ku ta kontra di esaki”, asina Berkelmans a bisa.

Tambe, segun e konsehero, tin hopi kos ta wòrdu papiá na Boneiru ku no ta kuadra ku realidat. “Nos ta bai tene hopi kuenta ku e ambiente i protekshon di naturalesa den e área aki”, asina Berkelmans a konkluí. 

Deel dit artikel
Rocargo
Rocargo
Rocargo
Rocargo