KRALENDIJK- Segun Tourism Corporation Bonaire (TCB) turismo na Boneiru ta florisiendo manera nunka antes. TCB den un komunikado di prensa djawpes a duna un bista di di hotèl i restorant, eksperensianan in iniciativa pa loke ta trata turismo riba nos isla.

Segun TCB ku e regreso resien di buelonan nòn stòp di kompanianan aéreo grandi, Boneiru a konosé un oumento fuerte den kantidat di bishitante den e di dos mitar di aña 2021. “Nos isla a anunsiá vários eksperensia nobo i atraktivo pa aña 2022 i segun ekspektativa e aña akí nos lo yama bon biní na mas tantu biahero ainda. Nos isla ta sigui enfoká riba sostenibilidat, un trènt ku semper Boneiru a kana dilantu kuné, i ta pidi bishitantenan di nos isla pa anda ku koutela na momentu di eksplorá bunitesa natural di e Blue Destination akí, tantu riba komo bou di nivel di laman. Den e aña nobo akí nos ta malkriá wéspetnan di Boneiru ku aspektonan adishonal nobo nobo, akomodashonnan renobá i hopi manera pa alsa i mehorá kalidat di nan eksperensia na nos isla, for di aventuranan den aire liber te platonan kreativo” asina TCB ta skibi. 

Eksitante

Según direktor di TCB, Miles Mercera, Boneiru ta preparando pa loke ta bai bira un aña eksitante pa e destinashon’. Mercera tambe a splika ku durante e lunanan binidero lo presentá un strategia nobo di marka. 

‘Aunke nos mundu bou di laman semper lo keda un atrakshon, nos ta ofresé un kantidat grandi di eksperensia ku ta agradá vários tipo di biahero, entre otro establesimentunan mehorá pa kome i akomodashonnan mas luhoso pa kumpli ku pedida di biaheronan mas sofistiká i mas konsiente di medio ambiente ku mas i mas ta deskubrí Boneiru.’