Notisia

Hopi reto ainda den 2022 pa ku drechamentu di kaya

Hopi reto ainda den 2022 pa ku drechamentu di kaya
Kaya Hulanda ta un di e kayanan ku a logra renová den aña 2021, pero ta keda hopi mas pa hasi. Pòtret: ABC Online Media

KRALENDIJK- A pesar di e echo ku spesialmente na fin di 2021 a logra bastante kos, pa loke ta trata drechamentu di kaya na Boneiru, tin hopi reto ainda ku Entidat Públiko Boneiru (EPB) ta mira su mes konfrontá kun’é. Esaki hefe di R&O, ingeniero Roy Martina a bisa den e último boletín spesial ku a saka tokante e proyekto pa mehorashon di kaminda riba e isla. 

“E retonan pa aña 2022 lo no ta ménos. A kuminsá ku un trayekto ku mester kondusí na un plan maestro di infrastruktura pa Entidat Públiko Boneiru. Un plan den kua e nesesidatnan di e isla ta ser salbaguardiá. Ya kaba a duna ehekushon na trayekto aki i un di e tres partinan a ser realisá. Ta trata aki di e akshon pa determiná e kondishon di e kayanan. Durante di e trayekto aki, a hasi un “val-deflectiemeting”. Tambe a hasi boramentu di muestra. Seguidamente ta bai hasi un midimentu di eskala grandi di e intensidat  di  tráfiko  riba Entidat Públiko Boneiru. Por último ta bai organisá un seminario ku ta bai konta ku partisipashon di tur aktornan prinsipal pa e desaroyo di e plan maestro” asina Martina a splika.

Plan total

For di e tres puntonan di salida mester sali un plan total kual ta deliniá kon Entidat Públiko ta duna definishon na desaroyo di e Isla.

Deel dit artikel
Rocargo
Rocargo
Rocargo
Rocargo