WILLEMSTAD – Curaçao Medical Center, CMC, ta haña kasi binti mion florin di sosten di likides serka gobièrnu di Kòrsou pa paga  gastunan di kuido pa personanan ku no ta sigurá. Ta trata di gastunan ku a hasi entre 2019 i 2022.

Den pasado a pidi gobièrnu na mas ku un okashon pa tuma e gastunan di personanan ku no ta sigurá. Pa motibu ku  e diferente ministernan di Salubridat Públiko no a duna oido, e gastunan a subi awor te kasi binti mion florin.

Aña 2023 no ta kontá aden. Pa e aña aki ya e kuenta a yega un mion florin i mei.

E desishon pa paga awor si ta resultado di e Bestuurlijk Hoofdlijnenakkoord Sanering CMC-entiteiten.