Den Haag- E siman ku ta bin, Hulanda lo manda 150.000 bakuna pa e islanan Kapberdo i lo kuminsá kontribuí tambe ku donashon na e programa Covax-programma.

Banda di esaki, Hulanda ta bai hasi un donashon di un 3 mion di bakuna na Indonesia. Esaki minister Hugo de Jonge di Salubridat Públiko, Bienestar i Spòrt huntu ku minister Sigrid Kaag di Asuntonan Eksterior a disidí. Indonesia, meskos ku Sürnam, ta un èks kolonia Hulandes.

E ayudo a bira posibel dor ku Hulanda mes a kaba di risibí un lote di un mion di bakuna AstraZeneca. Ta pesei por brinda e asistansia na ámbos e islanan Kabverdo i un promé kontribushon di 500.000 bakuna na e programa internashonal Covax. E bakunanan ku ta duna Indonesia lo sigui un poko mas despues.