IDEB ta boga pa penshun general i Plan Maestro pa infrastruktura

KRALENDIJK- Instituto Desaroyo Ekonómiko Boneriano, representá pa Hans Els djabièrne atardi a tene un presentashon pa konta di su aktividatnan den aña ku a pasa i ademas ekspresá algun idea pa futuro.

Dos punto konkreto ku Els a trese dilante ta introdukshon di un penshun general pa tur hende na Boneiru ku ainda no tin areglo di penshun, i tambe e idea pa traha un plan maestro pa infrastruktura di e isla. 

“Tur hende por a mira den e temporada di yobida aki, ku e situashon no ta bon. Nos no por bisa ku gobièrnu no a purba hasi su bèst, pero e no ta sufisiente”, asina Els a trese dilanti. Els a mustra spesialmente riba e problema di awa na Boneiru ku no tin kaminda pa bai. 

Bentaha

Els a bisa tambe di ta kere ku e relashon spesial ku Boneiru tin ku Hulanda ta un bentaha. “Boneiru ta un di a paisnan mas afluyente na mundu, i ku hopi poder. Nos mester hasi uso di Hulanda su kontaktonan”, asina Els a trese dilanti. 

Otro deseo ku Hans Els tin ta pa inbertí mas den agrikultura, ku un banko di Desaryo bira aktivo na Boneiru i ku lo hasi uso di mas energí duradero.