Imagen di UTS ta bai disparsé na fabor di FLOW

Philipsburg- E nòmber di UTS ta bai disparsé poko poko for di imagen públiko i lo wòrdu remplasá dor di imagen di e kompania madre di UTS, ku ta FLOW.

E siman aki, FLOW na St. Maarten a kuminsá ku e kambio di imagen. For di awe, tur edifisio, vehíkulo i otro kos lo karga nòmber di FLOW, i no mas di UTS.

Sinembargo, e doño nobo di UTS a disidí ku e nòmber Chippie si lo keda eksistí, pa indiká e servisio mobil di FLOW.

Pakete

FLOW, den un komunikado di prensa, a mustra tambe ku lo mehorá e oferta den pakete ku nan tin, spesialmente pa loke ta traha spit di internet.

A pesar di e echo ku e kompania ta bisa ku nan ke kumpli òf pasa espektativa di nan kliente, na Kòrsou tin hopi keho ora ta trata di serviso di internet fiho pa ámbos kliente residensial i esnan na kas. E mal servisio di FLOW a asta kondusí na pregunta den Parlamento di Kòrsou.