India riba lista di paisnan pa kua un obligashon di karentena ta na vigor

Kralendijk – Riba konseho di departamento di Salubridat Públiko a pone India riba e lista di paisnan pa kua un obligashon di karentena ta na vigor. Pasaheronan ku durante e 14 dianan promé ku nan yegada na Boneiru tabata na India, ta bai den karentena sentral. ,,Ta un medida di prekoushon. Na e momentu aki nos no sa  hopi ainda tokante e variante di India” asina dòkter Marian Luinstra-Passchier a duna di konosé. ,,Nos no sa sigur ainda si e variante di India ta mas kontagioso òf ta hasi hende mas malu ku e otro variantenan.” Hulanda a bini ku un prohibishon di bula pa India i komo prekoushon Boneiru ta tuma e medida èkstra aki di karentena.

Departamento di Salubridat Públiko ta sigui e desaroyonan rònt di e variante di India i e otro variantenan djaserka. ,,Regularmente nos ta manda muestra di nos resultadonan di tèst Hulanda pa mas investigashon. E último simannan kada biaha ta resultá ku pa 100% nos tin e variante britániko di e vírùs di corona. Hendenan por ta trankil ku nos ta vigilá e situashon bon. Nos ta èkstra alerta, tambe pasobra e variante di India a aparesé na Sint Maarten i Aruba i na Hulanda.”

Lesa tambe:

• 
  Kuater grupo di mucha a sali pa Paraguay pa kompetí den Consejo Sudamericano de Deporte Consude
• 
  Solamente por pasa angua kontra Korona ku sita
• 
  Gang di arte: un trayekto artístiko pa hobennan lokal
• 
  CBS: porsentahe di poblashon di Boneiru ku ta bou di e nivel di pobresa nashonal ta birando ménos 
• 
  Despues di un búskeda polis i wardakosta a haña dos persona di edat ku tabata perdí