Kòrsou

Infekshon nobo di Covid ta sigui haltu na Kòrsou

Willemstad- Infekshonan nobo di Covid ta sigui haltu na Kòrsou. Pa djarason 123 hende a tèst positivo, loke a pone e total di kasonan positivo subi te na 633, e sifra mas haltu ku a mira pa algun tempu.

Minister President Gilmer ‘Pik’ Pisas ayera durante un konferensia di prensa a bisa ku ta studiando pa bin ku sierto medida nobo pa frena kontagionan nobo riba e isla. “E ta un bataya konstante entre kuida nos hendenan i kuida nos ekonomia”, asina Pisas a bisa.

Pa mañan, djaweps, lo bai anunsiá kiko e medidanan nobo lo ta enserá. Pisas mes a indiká kaba ku tin hende ta bai òm basta iresponsabel ku e situashon, dor di presentá na fiesta ku hopi hende. Tambe tin indikashon ku tin hende ku a falsifiká papelnan pa por drenta den sierto aktividat.

Kuido

Mientrastantu e nivel di kuido ta bini na peliger den CMC. Pisas a bisa ku gobièrnu di Kòrsou debidamente tin atenshon pa e situashon den kuido. Pisas a bisa ku ta buskando mas hende pa bin yuda duna atenshon médiko nesesario.

Deel dit artikel
Rocargo
Rocargo
Rocargo
Rocargo