THE BOTTOM/KRALENDIJK- Den mardugá di dia promé di yanüari a tuma lugá un insidente na un fiesta ku a kousa sorpresa i idignashon serka hopi residente di e isla hermana Saba, kaminda un agente policial di Kuerpo di Polis Karibe Hulandes (KPCN) mester a saka su arma reglementario den un aparente intento di intimidá otro bishitante di e fiesta ku esaki. 

Segun Saskia J. Matthew di e partido polítiko Party for Progress, Equality, and Prosperity (PEP) e aktitut di e agente polisial a trese tenshon inesesario riba e isla, ku ta konosí en general pa su trankilidat. 

Un otro agente polis fuera di servisio, lo mester ta tin un konfrontashon ku otro persona presente, hasiendo un gesto amenasante di kòrtamentu di garganta. 

E insidentenan a lanta preguntanan i inkestion bou di poblashon na Saba. E komportashon di e polisnan fuera di servisio, inkluyendo e forma di konsumí alkokòl, ta ser konsiderá inapropiá, kousando preokupashon tokante seguridat na Saba. 

Reakshon di KPCN

ABC Online Media, den su afán par aporta di forma balansá a buska kontakto ku bosero di KPCN pa a pidi un reakshon riba e insidentenan.

KPCN, manera hopi biaha ta e kaso, a reakshoná bisando masha pobo. “KPCN a inisiá un inbestigashon tokante e uso di arma manera ta kustumber den tipo di kasonab aki, kaminda un agente ta usa su arma òf ta usa forsa”, asina a bosero di polis a bisa djamars atardi. 

Preokupashon

Serka sierto medionan prensa na Boneiru por ripará un preokapashon kresiente pa e echo ku KPCN rarabes ta reaksoná ku informashon konkreto riba señal di aktutut straño, brutu i/o kondenabel dor di agentenan polisial. Tambe mester bisa ku mando di KPCN no sa reakshoná riba sierto invitashon di prensa pa bin duna mas splikashon kon ta bai òm ku sierto insidentenan, òf kiko -en general- ta maneranan di proseder den KPCN pa loke ta trata e tipo di kasonan aki.