WILLEMSTAD – Siman pasá, representanten di Boneiru, St. Eustatius i Saba a reuní na Kòrsou pa un konferensia tokante kasnan sosial, organisá pa Rijksdienst Caribisch Nederland (RCN) i Fundashon Cas Boneriano (FCB).
E reunion a hiba representante di e gobièrnu respektivo i organisashonnan di kasnan sosial di e tres islanan huntu ku e meta di interkambio di konosementu i fortalesé e kolaborashon riba e tereno di alohamento sosial.
Lei
E tema sentral di e konferensia tabata e futuro Lei di Alohamento BES. Ounke e lei ta den su fase inisial di desaroyo, e konferensia a ofresé e promé oportunidat pa e islanan di deliberá e kontenido i e posibel konsekuensianan di e ley. Representanten di e ministerio a splika kon e lei lo funshoná, konsiderando e kondishonnan lokal. Frank Kunneman di Themis Institute tambe a papia tokante bon gobernansa den organisashonnan di kasnan sosial.