Jeffrey Levenstone (UPB): Daisy Coffie mester stòp di ‘hit’ riba Kroon

Kralendijk- Segun kolaboradó di frakshon di UPB, Jeffrey Levenstone, miembro di Konseho Insular Daisy Coffie mester stòp di ataká James Kroon manera ela bin ta hasi ultimamente.

Segun Levenstone a bisa, últimamente por nota ku Coffie ta ataká Kroon riba tur sorto di kos, pa pone e diputado den un mal lus. Un di e tópikonan ku Coffie lo a purba di hasi esaki kun’é ta e temátika di hür di e kompania Cuba Compagnie.

Segun Levenstone a bisa, e akuerdo ku e kompania aki sinembargo a kondusí na un invershon kuantioso den e edifisio, hopi kupo di trabou i otro ingreso pa Entidat Públiko. Levenstone ta bisa ku ta ora di traha huntu i pone kos kana, na lugá di hunga polítika barata.

Apresio

Mester bisa ku últimamente Daisy Coffie ta kosechando hopi apresio den pueblo pa su forma di hiba oposishon. Coffie ta mustra kada bes di bin bon dokumentá i ta hasiendo pregunta al kaso, entre otro riba asunto di rotònde, investigashon den asuntu di integridat, hürmentu di edifisio dor di gobièrno i otro tópikonan al dia.

Ta komprondiendo ku e forma di funshoná di Coffie tin hopi polítiko riba e isla, especialmente den seno di e partido bèrdè i blou basta nervioso. Coffie a mustra su mes skèrpi i krítiko tambe di ròl i proseder di gezaghèber Edison Rijna, pero -kontrali na sierto otro polítiko- e ta hasi esaki sin falta ningun hende e rèspèt nesesario.

---

• 
  Prevení Zika, Dengue i Chikungunya |Aviso pagá
• 
  Zorgtuin Gorssel a konta tokante eksperensia positivo ku trato di pashent ku Alzheimer
• 
  PVDA/GROENLINKS e partido mas grandi bou di votadónan Hulandes den eksterior
• 
  Pashasi pa i for di Boneiru lo bira un poko mas karu atrobe ku subida di tarifa di BIA
• 
  Persona ku un limitashon riba islanan BES ta haña mas derecho