KRALENDIJK- For di 15 di febrüari 2023, e kompania Jetair Caribbean lo kuminsá konektá Boneiru dos biaha pa siman ku buelonan pa Kòrsou i Aruba.

Segun un komunikado di prensa, e buelonan a wòrdu programá den koperashon ku Tourism Corporation Bonaire (TCB) i Aeropuerto Flamingo. 

“Nos ta trahando duru pa trese konekshonnan mas pagabel i un mihó konektividat ku nos islanan hermana. Ta pesei nos ta hopi kontentu ku Jetair komo partner ku lo trese un mihó konektividat pa nos isla”, asina director Maarten van der Scheer di aeropuerto a bisa.