WILLEMSTAD – JetBlue ta bula for di 6 di aprel ku dos buelo èkstra di New York pa Kòrsou. Ta amplia e ruta nòn-stòp di tres dia pa sinku dia pa siman.
Ta ehekutá e buelonan for di John F. Kennedy International Airport riba djaluna, djaweps, djabièrnè, djasabra i djadumingu.
Den e aña ku a pasa tabatin un oumento di demanda for di merkado Merikano. E Hunta di Turismo di Kòrsou, CTB, ta pensa ku e merkado aki lo krese ku binti porshento e aña aki.
Den 2022 a bini mas ku 93.000 turista ku ta keda drumi for di Estados Unido di Merka. Huntu ku Canada esei a produsí un partisipashon di merkado di bintidos porshento. E aña aki CTB ta konta riba 112.000 turista for di Merka.
E kresementu ta posibel pasobra a habri diferente risòrt nobo, huntu ku kambio di marka i renobashon di risòrtnan eksistente riba e isla.
Dos kaso nobo pero total a sigui baha
Miembronan di BC a pasa nan di dos angua djaluna
Turistanan ku ta bini Kòrsou lo mester yena faktura i informashon di nan adrès na yegada na Hato
Kran grandi mester a hisa trùk di semèmt saka for di kurá unda ela kore drenta
