Notisia

Jong Holland a bira kampion di Kòrsou atrobe 

Potrèt - Èxtra

WILLEMSTAD – Jong Holland a bira kampion di Kòrsou atrobe. Ayera nochi e defensor di título a gana Jong Colombia ku 4-1 den stadion di Ergilio Hato na Sentro Deportivo Kòrsou.

E trikolornan, ‘rood-wit-blauw’, di Jong Holland a bira kampion di liga MCB pa e Promé Divishon di Federashon Futbòl Kòrsou, FFK.

E skor tabata abrumador kontra e ‘blauw-gelen’ di Jong Colombia di Boka Samí, ku aña pasá a promové for di Segundo Divishon.

E tim di entrenadó Bryan Anastasia a skor den e di djesun minüt ku un gol di Shurwendel ‘Pita’ Roosje. Jurensley ‘Enchi” Martina a hasi e skor 2-0 den di 31 minüt.

Den di dos mitar e trikolornan a skor di nobo despues di tres minüt ku un gol di Davidson Rosa. Den di 79 minüt e suplente Jean Carlos Torbed di Jong Colombia a hinka un kontragol  hasiendo e wega 3-1.

Pero despues di dos minüt ‘Pita’ Roosje a bolbe hinka otro gol i pone ku e skor a bira 4-1.

Jong Holland ta e promé tim, despues di Centro Dominguito, ku pa di dos aña konsekutivo a bira kampion.

Deel dit artikel
Rocargo
Rocargo
Rocargo
Rocargo