WILLEMSTAD – En lo futuro kada minister di Kòrsou ta haña un tarheta di krédito di 25.000 dòler pa finansiá su biahenan di trabou. Asina minister di Finansas Javier Silvania ta informá. Segun e minister e medida lo spar 1,2 mion florin riba un base anual.
Te ku awor tabata buk biahenan di trabou via di Maduro Travel, pasobra e ofisina di biahe aki tabata aseptá formulario di bestèl ku por a paga despues.
E intenshon ta pa uza e tarheta di krédito nobo pa pasashi, hür di outo i estadianan na hotèl pa e minister i su delegashon. Tambe por paga gastunan di representashon i di telecom kuné.
Pa mas tardá fin di òktober ta sigui un evaluashon di e sistema nobo. Silvania ta enfatisá ku ainda mester duna kuenta i rason pa gastunan ku a hasi pa biahenan di trabou.
Pa aña e nuebe ministernan ta gasta 4,4 mion florin pa gastunan di biahe i estadia. Ministernan ta haña kaba 750 florin pa gastunan di representashon komo asignashon riba nan salario mensual.
Fluktashon den kantidat di kaso di Covid ta ‘normal’
E aña benidero Den Bosch tambe ta rekòrdá abolishon di sklabitut 
Wardakosta ta firma kòntrakt nobo pa avion i helikòpter 
Stadion di Rincon ta haña yerba nobo
