Empresario

Kadena kolombiano Juan Valdez ta sigui ekspandé rònt mundu i a habri promé tienda na Turkia

Marta Lucía Ramírez, vise presidente di Colombia a habri e promé tienda di Juan Valdez na Turkia. Pòtret: Vicepresidencia.

ISTAMBUL- E kadena di kòfi kolombiano, Juan Valdez ta sigui ekspandé i a habri su promé tienda na Istambul, Turkia, durante di vise presidenteMarta Lucía Ramírez.

Promé ku esaki, Juan Valdez a anunsiá ku e tabata den proseso pa habri 400 punto di benta na Hulanda, den koperashon ku e kadena di supermerkado Jumbo. Banda di esaki, e kadena ta habriendo mas ku 200 filial na Merka tambe. Juan Valdes, huntu ku su representante ofisial na Turkia tin 2 plan pa habri no ménos ku 50 tienda den e 4 añanan benidero.

Tienda

Juan Valdez aktualmente tin 467 tienda na mundu. Na Kolombia mes tin 337, na Ecuador 40, na Chile 32, Na Peru 14, na Bolivia 10, Paraguay 8, na Aruba i Kòrsou 7, Merka 6, El Salvador 6, Malasia 6, na Costa Rica i Panamá kada un 4, i finalmente 3 na Spaña.

Deel dit artikel
Rocargo
Rocargo
Rocargo
Rocargo