Kambio polítiko riba e islanan, pero backstage

KRALENDIJK – Riba e tres islanan Hulandes Boneiru, Saba i Sint Eustatius a skohe antayera un konseho insular nobo. Tambe esnan ku derecho pa vota riba e tres islanan por a vota pa tres kolegio elektoral. Kambionan polítiko na Boneiru i Saba, pero si e gobièrnu lo kambia di signatura, ta por ver ainda.

Esaki ta pa promé biaha. Boneiru, Saba i Sint Eutatius ta munisipionan spesial ku ta kai bou di outoridat di Den Haag. Teniendo na kuenta ku e munisipionan spesial no tin Palamento Provinsial, nan ta skohe kada un un kolegio elektoral, ku na luna di mei ta determiná huntu ku Parlamento Provinsial e konstelashon di Eerste Kamer.

Boneiru

Na Boneiru Partido Demokrátiko Boneriano, PDB, a haña tres asiento i por yama su mes ganadó di e elekshon. Ku 4.000 voto e partido a bira esun mas grandi. Pero mester wak ainda si kabesante di lista Clark Abraham ta logra algu ku esei.

E koalishon aktual di MPB i UPB a optené huntu sinku di e nuebe asientonan, pues e mayoria. 

E mésun repartishon por nota tambe den e resultadonan di e elekshon pa kolegio elektoral, di kua e resultado ta konta pa konstelashon di Eerste Kamer. PDB ta esun mas grandi ku mas ku 37 porshento di e votonan pa kolegio elektoral. UPB tin 26 poshento i MPB mas ku 16 porshento.

Saba

Riba e isla chikitu Saba ku su dos mil votadó a tuma lugá un teremoto polítiko. E ganadó ku tur hende a fèrwagt di Windward Islands People’s Movement WIPM di Bruce Zagers a pèrdè tres di e sinku asientonan. E pèrdida aki ta remarkabel, pasobra na e elekshon anterior ainda Zegers a optené tur sinku asiento.

Aña pasá un di su kompañeronan di partido a bira independiente. Ku e partido nobo aki el a optené awor dos asiento. WIPM por sigui goberná, pasobra ku su tres asiento e partido ta keda pues ku mayoria.

WIPM so a partisipá na elekshon di kolegio elektoral, pero no ta konosí ainda kuantu voto el a haña.

Sint Eustatius

Na  Sint Eustatius Progressive Labour Party, PLP, a gana konvinsentemente ku kasi mil voto. Hulanda a intervení na 2018 i a pone e isla bou di kuratela despues di mal gobernashon di e mésun PLP.  Clyde Van Putten ku tabata kargadó di lista a bai ku mayoria voto.

Konseho Insular di Sint Eustatius no ta haña hopi poder ainda, pasobra e intervenshon di Hulanda ta pone ku e derecho presupuestarrio ta ainda den man di un komisario di gobièrnu, nombrá pa Hulanda.