Kandela a destruí kantidat di kos riba tereno na fèlt di ATC

KRALENDIJK- Awe mainta branspùit mester a akudí na fèlt di ATC pa paga kandela ku a surgi den kònteiner riba e rereno.

Kuerpo di bombero a hasi nan esfuerso, pero práktikamente tur kos a kima den e kònteiner. Ta trata di diferente unifòrm ku tabatin di e muchanan i algun aparato elektróniko.

No tin masha informashon spesífiko ainda, kiko a sosodé ku e kandela a sende i kousa e daño ku por sierto ta hopi grandi.

Investigashon

E kaso ta bou di investigashon i a komprondé ku den siman lo haña mas klaridat, despues di investigashon, kiko eksaktamente a sosodé.