Kandidatonan M21 ta desmentí kiebro ku partido

KRALENDIJK – Vários kandidato di partí ros, M21, ta desmentí rumornan ku por a skucha último dianan ku nan a kibra ku e partido. 

E rumornan a surgi despues ku e number 2 di e lista, Bernard Landwier, a anunsiá di sali for di e partido. Un stashon lokal di radio a raportá loke nan a deskribí komo un kantidat grandi di kandidato ku lo a bai for di M21. Vários kandidatonan di e partí, manera Norbert Tadema, Angelo Engelhart, i Benrick Martis, riba djarason a desmentí k unan a kibra ku e partido, i ta enfatisá di keda sostené líder di e partido, Daisy Coffie. 

Sorpresa

“Mi ta keda sorprendé di tende ku ta bisa ku mi lo a bai laga e partido. Esaki no ta kuadra ku berdat ètòl. Mi ta i mi ta keda miembro di e partí aki, i lider di partí Coffie tin mi apoyo kompletu,” Benrick Martis a skirbi den un komunikado di prensa djarason atardi. Di vários otro kandidato, ta skucha sonidonan similar.