Kralendijk- E kantidat di hende ku ta bakuná kontra di Covid-19 na Boneiru ta sigui subi poko-poko pero sigur. E mira final ta pa yega na un grado di bakunashon di por lo menos 85% di e poblashon adulto.

Boneiru aktualmente ta e di dos isla kaminda un porsentahe mas grandi di hende a bakuná. Solamente na Saba e porsentahe aki, ku kasi 90%, ta mas haltu ku ta e kaso na Boneiru ku ta aproksimando 80%. Aruba ku Kòrsou ta kana un poko tras riba Boneiru.

Na St. Eustatius aktualmente masomenos 50% di e pueblo a bakuná. E isla kaminda ku e porsentahe mas chikitu di hende ku a bakuná ta St. Maarten, ku ta yegando den kareda di 40%.