Kantidat di kaso di Covid ta keda meskos

Kralendijk- E kantidat di kasonan aktivo di Covid-19 a keda igual nan Boneiru, despues ku 1 hende ku a tèst ayera a sali positivo, pero un otro hende a rekuperá.

Na tur tin awor 18 kaso aktivo. No tin niun hende interná den hospital pa motibu di Covid. Riba djamars un total di 33 hende a pasa tèst, di kual 1 a sali positivo. Aunke esaki por parse hopi abou, na Kòrsou tin diariamente 600 hende ku ta pasando tèst, sin ku tin hende ku ta tèst positivo.