Notisia

Kapitan Tom Pasman a risibí eskudo di Boneiru

KRALENDIJK- Gezaghèber Edison Rijna na nòmber di gobièrnu di Boneiru a pen kapitan Tom Pasman ku eskudo di Boneiru komo muestra di apresio pa su amistat ku nos isla. Rijna a splika kapitan Pasman kiko ta nifikashon di e eskudo i kiko esaki ta para p’e.  

 Pasman, huntu ku serzjant mayor Joost van Heyningen di e unidat di ehérsito ‘Compagnie in de West – CIDW’, a realisá un bishita di kortesia serka gezaghèber Edison Rijna. Durante e bishita nan a pone gezaghèber Rijna na altura di e aktividatnan ku e militarnan a desplegá durante nan estadia na Boneiru.

Un danki 

Gezaghèber Rijna riba djárason 20 di aprel den oranan di atardi a presentá na Sentro Deportivo Jorge Nicolaas pa asina den un ambiente ameno gradisí e militarnan pa nan bishita i tur loke nan a hasi boluntariamente pa komunidat boneriano.

Deel dit artikel
Rocargo
Rocargo
Rocargo
Rocargo