Kralendijk- Aunke e echo ku e kantidat di hende infektá ku Covid na Boneiru ta sigui baha ta mustra positivo, ketu bai hopi di esnan ku ta bai tèst pa Covid ta saliendo positivo.

Esaki ta un señal ku e plamamentu di a virùs ta leu di ta kontené. Di 53 hende ku a tèst pa Covid-19 riba djasabra, 25 a sali positivo.

Na Boneiru tin 14 hende den hospital pa motibu di Covid, di kual 5 ta risibiendo tratamentu mas avansá.