ORANJESTAD- KLM e aña aki ta selebrá su di 103 aniversario i pa e motibu ei, manera ta e kaso tur aña, ta saka un kasita nobo ku ta regalá e pasaheronan ku ta biaha den klase ehekutivo.

E aña aki, KLM a skoke pa un edifisio na Aruba pa traha un réplika miniatura. Ta trata di e kas históriko di famia Ecury den sentro di Oranjestad, Aruba. “Otro aña Aruba lo selebrá ku shen aña pasá e promé avion a baha na e isla. E kas aki, den kua awor aki tin e arkivo nashonal di Aruba, ta serka di e lugá kaminda e promé avion a baha na Aruba. 

Marian Rinkel, direktor General di KLM a para ketu tambe na e ròl ku famia Ecury a hunga den desaroyo di aviashon na Aruba, i na e echo ku KLM ya tin 50 aña ta konektando Aruba ku Hulanda. 

Orguyoso

“Nos ta masha orguyoso di nos patrimonia nashonal i pesei tambe nos ta masha honrá ku KLM a skohe e edifisio aki, e kompleho Ecury, pa ta e siguiente kasita na Delft’s Blauw’ di KLM. Nos ta mashá honrá tambe ku awor e patrimonio nashonal di Aruba lo biaha rònt mundu riba avionnan di KLM”, asina Agustin Vrolijk, gobernador interino di Aruba a bisa.