Kasonan di Covid ta baha di forma basta drástiko

Kralendijk – Tin 90 kaso aktivo di Covid-19 na Boneiru awe 13 di sèptèmber 2021. Di e 39 resultadonan di tèst ku a drenta 3 a resultá di ta positivo. Di tur e personanan ku a tèst positivo e fuente ta konosí. Tin dos persona den hospital. 22 hende a rekuperá di Covid-19.

Pa mas informashon tokante biahe, paisnan di riesgo i reglanan aktual: www.boneirukrisis.com.

Ta importante pa ora bo tin keho bai tèst. Importante ta pa keda warda den karentena. No sali pa bo no kontagiá otro persona. Keda kas pa no kontagiá otro persona pafó. Pa baha e sifra di kontagio ta importante pa mantené e reglanan di higiena. Tene 1,5 meter distansia i laba man ku awa i habon pa evitá kontagio ku e vírùs di corona.

Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rònt di bo.

Lesa tambe:

• 
  PDB ta instalá komishon pa sondea posibilidat ku otro partidonan
• 
  Programa di NOS-TV ‘Boneiru Ta Vota’ a yega su fin
• 
  Kambio polítiko riba e islanan, pero backstage
• 
  Apelashon pa dos hóben ku a trapa dos persona mata na Kaminda pa  bai Westpunt
• 
  E hòmber ku nan a maltratá seriamente den luna di yanüari na Aruba a fayesé