Kaya Neerlandia ta habri bèk pa tráfiko

KRALENDIJK- Despues di un tempu di konstrukshon basta largu, Kaya Neerlandia a habri bèk pa tráfiko. Esaki sigur lo trese un alivio pa negoshinan ku ta establesé den e kaya pero tambe pa automobilistanan ku ta usa e kaya pa krusa bai di Kaya Gobernador Debrot pa Kaya Korona i vise vèrsa. 

A pesar di e echo ku e kaya a keda hopi mas mihó awor, tin ku konstatá tambe ku tráfiko lo sigui pega na mes manera ku promé ku e rekonstrukshon. Spesialmente tráfiko ku ta bin for di direkshon di Kaya Gobernador Debrot pa lora na man robes, hopi biaha no ta haña chès pa subi riba Kaya Korona. 

Aksidente

E krusada, por lo pronto, tambe lo keda unu kaminda ku ta mira hopi aksidente di auto.