Aerolinea i biahamentu

KLM lo no obligá su empleadonan pa bakuná

Avionnan di KLM na Schiphol. Pòtret: ABC Online Media.

Kralendijk- E aerolínea hulandes, KLM, lo no obligá su empleadonan pa bakuná. Esaki e kompania a komuniká resientemente ámbos den e kompania mes, komo pafó di e kompania.

E forma di aktua di KLM a risibí aplouso ámbos na Hulanda komo na otro pais, kaminda ku hopi a mustra riba e echo ku KLM, komo un di e kompanianan mas grandi di aviashon na mundu, lo no implementá un obligashon (ainda) pa tur empleado bakuná. Segun KLM, bakuná òf no ta keda un desishon hopi personal.

Reto

E desishon di KLM pa no obligá empleado pa bakuná sinembargo si ta trese sierto reto kun’é. Mas i mas pais ta eksigí ku tur empleado na bordo di un avion ta bakuná. Un ehèmpel di esaki ta nos pais besino Trinidad & Tobago, ku pa kasualidat ta un destinashon nobo pa KLM.

KLM a hasi un apelashon riba su empleadonan no-bakuná pa registrá na mes serka nan doño di trabou, pa tuma esaki na konsiderashon ora di traha skedjùl di empleado, manera personal di kabina i pilot.

Deel dit artikel
Rocargo
Rocargo
Rocargo
Rocargo