PORT-OF-SPAIN, TRINIDAD – KLM ta logrando avanse na Trinidad & Tobago i ta sperá pa sigui oumentá e kantidat di buelonan den e próksimo temporada di invierno.

Inisialmente, e buelonan pa Piarco Airport na Trinidad a kuminsá modestamente ku dos buelo pa siman, den kombinashon den forma di buelonan triángulo huntu ku Barbados. 

E buelonan pa Barbados sin embargo no a resultá masha eksitoso, kontrali nan esnan pa Trinidad ku a resultá popular ku biaheronan na Trinidad i Tobago. 

Esei a kondusí na e desishon pa stòp ku e buelonan pa Barbados, i pa kombiná e buelonan pa St. Maarten, ku esnan di Trinidad.

Aktualmente, buelonan pa St. Maarten, regresando pa Amsterdam, ta hasi un parada na e aeropuerto Piarco di Trinidad. 

Segun fuentenan den KLM, manera kosnan ta awor, e kantidat di buelo pa Trinidad durante e temporada di wenter 2024/2025 lo subi pa un impresionante kantidat di seis pa siman, o sea, kasi tur dia.

Sint Maarten

Pasobra e buelonan nobo probablemente lo kontinuá di wòrdu ehekutá via di St. Maarten, esaki ta nifiká ku Sint Maarten tambe por spera un ekspanshon supstansial di buelonan di KLM pa e isla.