Boneiru

KLM ta hisa preis i ta trese Billy Valentijn su soño na peliger

KRALENDIJK – Tin un kontratiempo nobo den e kaso rondó di Billy Valentijn. E mucha hòmber ku ta biba ku kontrakshonnan muskular severo, ta soña pa bula un biaha mas den su bida bin Boneiru. Boluntarionan ta hasi tur nan esfuerso pa haña e sèn nesesario pa e buelo karu. Anteriormente a kalkulá e biahe ida i buelta ku KLM riba 30.000 euro, pasobra Billy lo mester tabatin mester di nuebe stul pa e buelo pa bin Boneiru. Ora a parse ku e boluntarionan tabatin tur kos reglá, e kompania di aviashon a bini ku un suma nobo. Un suma ku ta praktikamente imposibel pa nan logra.

Un ratu tabata parse ku tabatin bon notisia. Piloto di KLM Niels de Leeuw a deskubrí durante un buelo resien ku un pasahero riba un brankar tabatin mester di solamente seis stul enbes di e nuebenan ku a kalkulá anterior. Esaki a duna speransa nobo pa Billy i e boluntarionan. De Leeuw a tuma kontakto mesora ku Ingrid Havermans, un di e boluntarionan enbolbí. Ku e pensamentu ku seis stul tabata sufisiente, a buska un bukmentu den luna di aprel. Danki na donashonnan di aña pasá lo tabatin sufisiente sèn pa hasi Billy su soño realidat i tres’é den dos luna akinan. Na luna di novèmber e boluntarionan a informá ku a rekoudá un suma di 26.500 euro kaba pa realisá Billy su soño.  

Lástimamente a resultá despues di mas kontakto ku KLM Cares ku e realidat tabata otro. E kompania di aviashon a bini ku un kalkulashon nobo, di moda ku e suma total a subi ku 40.000 euro. E palabrashon anterior di nuebe stul pa e biahe di bini Boneiru so pa 1.000 euro pa stul na tabata konta mas pa motibu di konfigurashon di e Airbus 330. Na lugá di esei a subi e preis di stul na 1.700 euro.

De Leeuw a ekspresá su desapunto den direkshon di KLM Cares i a kritiká e manera ku e instansha ta trata ku su posishon di monopolio. De Leeuw i su boluntarionan ta keda lucha sinembargo pa haña un solushon di moda ku por kristalisá Billy su soño ainda.

E boluntarionan a aserká tantu TUI komo Corendon pa nan tambe yuda pa realisá Billy su soño. Ámbos instansha a laga sa ku nan no por yuda, pasobra no por saka e stulnan for di e avion.

Bo tambe ta yuda Billy pa bin Boneiru? Bo por hasi bo donashon aki

Deel dit artikel