SCHIPHOL – KLM a anunsiá plannan pa renobá e añanan benidero su flota pa distansha largu ku modèl di Airbus A350. Esei luchtvaartnieuws.nl ta informá. E stap ta den liña ku e esfuerso di KLM pa un flota duradero, ya ku e Airbus 350 ta konosí komo e modelo mas ekonómiko i mas ketu den su generashon. Ku e avionnan nobo widebody KLM por spar konsiderabel riba emishon di CO2 i produkshon di zonido.

E desishon ta aktualmente den espera di konseho di e Konseho Empresarial. Na momento ku e ta aprobá, e kambio aki por tin un impakto grandi riba buelonan di KLM pa por ehèmpel destinashonnan Karibense popular manera Aruba, Boneiru, Sint-Maarten i Kòrsou.

“Esaki ta un dia hopi spesial pa KLM,” segun un bosero di e kompania di aviashon. “Ku e desishon planiá pa kumpra avionnan Airbus A350 nobo, nos ta dal un stap den direkshon di un flota mas limpi, mas ketu i mas efisiente. Esei ta esensial pa nos mishon pa konservá. Ademas e ta ofresé nos e posibilidat pa brinda nos pasaheronan mas servisio i komodidat riba buelonan interkontinental.”