KLM ta kuminsá koperashon ku Thalys pa konektá Amsterdam ku Bruselas 

AMSTERDAM- E kompania di aviashon hulandes, KLM, ta kuminsá un koperashon ku e kompania di trein rápido, Thalys, pa konektá Schiphol ku aeropuerto Zaventem di Bruselas.

Komo parti di e akuero, biaheronan for di Bèlgika por kuminsá nan biahe dor di kue Thalys na Bruselas, kaminda nan ta haña nan tarheta di embarke pa KLM mesora i nan por chèk in nan maleta tambe na stashòn unda ta subi e Thalys. 

Di e forma aki, KLM lo por bula ménos entra Amsterdam ku Bruselas, ya ku transporte ku trein tin ménos impakto riba medio ambiente, kompará ku biahamentu via avion.