KRALENDIJK – Riba djárason 13 di novèmber den oranan di atardi, Koninklijke Marechaussee a tene un kòntròl di tráfiko plania  riba tereno di aeropuerto. E kòntròl tabata den kuadro di e seguridat di tráfiko na aeropuerto. Durante di e kòntròl a duna un total 19 but.

Mayoria di e butnan tabata pa manehá sin faha di seguridat bistí (11 but), pero a duna but tambe pa entre otro manehá sin reibeweis i dokumentunan di seguro. ‘Takelwagen’ a tou un skuter ku no tabatin plachi di number hiba warda di polis bou di guia di KMar. Shofùr di e skuter no tabatin un hèlm bistí i haña un but pa esaki.

KMar ta tene tipo di kòntròlnan asin’aki regularmente riba tereno di aeropuerto pa asina aportá na e seguridat di tráfiko na aeropuerto pero tambe pafó di esaki.