Knops: Demokrasia na St. Eustatius ainda ‘frágil’

Oranjestad, St. Eustatius- Sekretario di Estado, Raymond Knops ta mira demokrasia na e isla komo ‘frágil’ ainda. Esaki Knops a skibi den un karta pa parlamentu hulandes.

Despues di un intervenshon den aña 2017, kaminda a manda hinter Konseho Insular i Konseho Ehekutivo kas, Hulanda a nombra dos komisario di parti di Reino. Esaki pa motibu ku lo no a hiba un bon maneho públiko pa loke ta maneho di e isla.

Aña pasá a kuminsá pa bai bèk na e sistema demokrátiko pa loke ta gobernashon di e island, entre otro ku un elekshon pa Konseho Insular. Te ainda, sinembargo, e poder di e Konseho Insular ta hopi limitá. Por ehèmpel, Konseho Insular no tin e poder di nombra un Kolegio Ehekutivo ainda.

Mientras ku e miembronan di Konseho Insular ta boga pa rekobrá nan podernan anterior, Knops ta mas kouteloso. “Mi ta preferá di hasi e kosnan bon, na lugá di hasi nan purá”.

Progreso

Segun Knops, despues di e intervenshon den gobernashon, a logra hopi na e isla. Asina a konstruí i renobá diferente kaminda i a traha un terminal di aeropuerto kompletamente nobo. Banda di esei a reinforsá e aparato públiko dor di yenamentu di vakatura i entrenamentu di empleado.