KRALENDIJK - Kolegio Ehekutivo di Boneiru a duna Selibon un ultimatem pa kumpli ku obligashonnan legal na Lèntfel Lagun promé ku 1 di sèptèmber 2025.
Si e kompania no optené e pèrmitnan nesesario pa nan aktividatnan, lo tuma medidanan atministrativo, inkluso e posibilidat di para tur operashon.
E lèntfel no tin e pèrmitnan rekerí pa depositá shushi i warda zeta bieu. Pa e motibu aki, Kolegio Ehekutivo ta urgi korèkshon di e situashon illegal aki. Un estudio di Impacto Ambiental (MER) ta nesesario, loke ta bai dura vários luna.
Direktorado di Supervishon i Mantenshon di Lei lo intensifiká supervishon riba e lèntfel durante e período di kumplimentu.
Veredikto
Despues di un veredikto di Korte di promé instansha ku a anulá intervenshon di representante di Reino Jan Helmond, kolegio ehektivo ta responsabel atrobe pa tur kos rondo di Selibon.
Den mesun rosea Kolehio Efektivo ta tilda Helmond di lo ‘no a hasi nada’, loke lo a kondusí den retraso pa solushoná e problemanan na Selibon.