Notisia

Kompania di Tou Boneiru un echo ku firmamentu di akuerdo ku KTK

KRALENDIJK- Djaluna a tuma lugá firmamentu di un konseshon entre KTB Tugs i Kompania di Tou Kòrsou (KTK) pa maneho di e kompania di tou durante un periodo di sinku aña.

Pa e okashon a bini huntu gezaghèber interino Nolly Oleana, diputado di Ekonomia Hennyson Thielman, minister Ruisandro Cijntje di Kòrsou i representantenan di KTK Kòrsou. 

“Nos ta kontentu awe ku e firmamentu e akuerdo aki. Boneiru pa hopi tempu tabatin e preokupashon for di tempu ku BOPEC a stòp di duna servicio ku no tabatin e toubot. Nos ta gradesido ku tur esnan ku a para tras di e paso aki a bira posibel. Tin 6 trahadó di Boneiru ta trahadó den e kompania aki”, asina Thielman a trese dilanti. Segun e diputado, tin posibilidat pa mas hende haña trabou pa sigui duna servisio pa Boneiru. 

“Mi ta yama Boneiru danki pa e apresio ku nos ta aki i e forma ku a tuma nos  na e yegada awe. Boneiru i Kòrsou semper a traha huntu. Tempu difísil i e tempu di Gloria. Tur hende sa e problema nan ku a presentá último tempu, entre otro ku covid-19. Awe kompania di Tou Boné, ta un yu di  tou KTK’’, asina minister Cijntje a bisa. 

Kresementu

Minister Cijntje a bisa tambe ku e nòmber di e promé boto di tou ta Ola. “Ta trata di un toubot bunita. Ku e okashoná ki, Kòrsou ta kere den e kresementu di Boneiru. Nos di Kòrsou for di awor ke partisipá den e kresementu aki. Mi ta deseá Boneiru tur klase di éksito ku esaki”, asina Cijntje a terminá. 

Deel dit artikel
Rocargo
Rocargo
Rocargo
Rocargo