Kralendijk- E kompania hulandes, Hestia, ta bai yuda pa pasa turista ku ta yega aeropuerto i den haf pa Covid-19.

E tèst aki lo ta un prueba rápido antígeno. Den apenas 20 minüt di tempu e pasahero ku ta yega Boneiru lo por haña e resultado pa sa si e ta liber di Covid-19 òf no.

Den simannan tras di lomba Hestia tabata na Boneiru pa papia entre otro ku Gobièrnu di Boneiru i BIA.

Koperashon ku BonLab

Banda di e tèstmentu di pasahero ku ta yega Boneiru, Hestia ta trahando riba un plan pa instalá un mashin grandi na BonLab, kaminda por ehekutá no ménos ku 380 tèst pa ora.

Esaki lo ta importante pa pasahero ku ke biaha bèk pa nan pais, si tun un eksigensia pa presentá un resultado di PCR negativo. Tambe por hasi e tèst pa tur habitante ku tin ku bai di biahe.

Empleado lokal

Aunke Hestia ta un kompania hulandes, direktor Xander Schurink den komberashon ku Awor Bonaire a konfirmá ku ta primeramente empleado lokal ta bai hasi e trabou.

Hestia na Hulanda ta un di e sentronan di laboratorio komersial mas grandi ku ta eksistí. E kompania ya ta eksistí 7 aña i tin masomenos 220 hende ta traha na Hestia.

---

Lesa tambe:

• 
  Por deskubrí historia di antepasadonan ku e buki ‘Archivo Spièrtá’
• 
  ZJCN ta introdusí mehorashon den seguro médiko pa islanan BES 
• 
  Marco van de Kreeke bèk na aeropuerto Flamingo komo di dos direktor 
• 
  Otro charla mas pa mayornan tokante uso seif di medionan sosial serka mucha
• 
  Entrega di Kalènder 2025 “Ban Topa Nos Grandinan” na Gezaghèber John Soliano