Kompanianan di aviashon di Kòrsou i Trinidad & Tobago por ofresé servisionan aéreo komersial ilimitá

WILLEMSTAD – Kompanianan di aviashon di Kòrsou i Trinidad & Tobago por ofresé servisionan aéreo ilimitá entre e islanan i kompletamente segun nan propio vishon.  Esei ta e resultado di negosashonnan ku a definí den un kombenio bilateral.

Resientemente outoridatnan di aviashon sivil di Kòrsou i Trinidad & Tobago a yega na un akuerdo riba kontenido di un kombenio bilateral pa servisionan aéreo nobo entre e dos paisnan. Outoridatnan di aviashon sivil di Kòrsou a guia e delegashon di Kòrsou. E kombenio nobo ta remplasá e kombenio bieu di 1997 ku tabata konta pa Antia Hulandes. 

Konseho di Minister di Reino Hulandes mester aprobá e kombenio aki i representantenan ofisial di kada pais mester firma. E proseso aki por dura mas o  ménos tres luna.