KRALENDIJK- Poko poko pero sigur, e diferente kompanianan i fundashonnan ku ta kai bou di Entidat Públiko Boneiru (EPB) ta bieniendo bei ku asuntu di nan kuentanan finansiero anual. 

Esaki, algun aña pasá, a wòrdu indiká komo un di e problemanan mas grandi pa e kompania di konsùltent CRMLink, ku a hasi un análisis di e situashon na kompanianan di Gobièrno. 

Den pasado tambe, Cft na vários okashon a pidi atenshon pa esaki, sin ku tabata tin masha progreso ku e asuntu. Den un publikashon, emití pa e Bureau Deelnemingen siman pasá, ta duna un bista di e progreso pa kaba ku e diferente kuentanan anual. 

Kompania

WEB, Aeropuerto BIA, OBNA i Oil Trading Bonaire (OTB) ta e entidatnan mas al dia, i ta kedando kla ku e relatonan finansiero di aña 2020. Bonaire Overheids Gebouwen (BOG), Selibon, TELBO i TCB, ta trahando riba e kuentana anual di 2018, 2019 i 2020 pareu, pa keda kla ku esakinan. 

Esnan ku ta kanando mas atras ta BonLab i Bonaire Holding Maatschappij (BHM) ku ta trahando ainda riba nan kuenta anual di 2016 i 2017.