Notisia

Kompanianan i fundashonnan di gobièrnu den spòtlait

Hefe di Partisipashon di Gobièrno, George Mensche, papiando pa e presentenan. Pòtret: EPB

KRALENDIJK- Riba djamars 29 di novèmber Entidat Públiko Boneiru (EPB) a organisá un enkuentro pa tur e kompanianan i fundashonnan di gobièrnu. Durante e añanan tras di lomba a realisá hopi trabou pa duna forma mas aleu na ‘good governance’, relashoná ku un rapòrt di investigashon. 

Ta trata di en total 10 kompanianan i e 3 fundashonnan di gobièrnu. Bou di esakinan ta kai WEB, BIA, OTB, OBNA, BHM, TELBO, TCB, BOG, BonLab i Selibon. Tin tres fundashon di gobièrnu aktivo: Stichting Openbaar Onderwijs, Fundashon Wega di Number i Beheer Kompleho Deportivo. 

Den su diskurso gezaghèber a ekspresá su apresio pa e kolaborashon i pa loke a logra durante e tres añanan tras di lomba relashoná ku ‘good governance’. Por ehèmpel e echo ku via un reklutashon públiko ku aviso ta reklutá miembro nobo pa Hunta di Komisario, di manera ku tur hende ta haña un oportunidat. A introdusí tambe un maneho di rekompensa nobo i tin un Kódigo di Corporate Governance nobo i aktualisá kla pa presentashon na Konseho Insular. 

Supervision

Durante e atardi akí a presentá un proposishon i a papia tokante esaki pa laga mas hende na Boneiru haña un oportunidat pa un kandidatura komo persona ku ta tene supervishon den un Hunta di Komisario. Pa e motibu akí den e promé mitar di aña 2023 Entidat Públiko Boneiru ta kuminsá ku un programa di edukashon pa habitantenan di Boneiru ku ta motivá pa den futuro bira un persona ku ta tene supervishon. Huntu ku e kompanianan i fundashonnan di gobièrnu ta duna forma na e programa. Mas informashon tokante esaki ta bini na kuminsamentu di aña 2023.

Deel dit artikel
Rocargo
Rocargo
Rocargo
Rocargo