PHILIPBURG- Un kompetensia entre siudadano a kondusí na e diseño nobo pa e plachi di number nobo na St. Maarten. 

Na tur un 2000 siudadano a vota pa un di e diseñonan nobo, di kual esun di Shadini Fleming, un diseñadó lokal di e isla, a logra haña kasi mitar di e votonan. 

Minister di Finansa, Ardwell Irion, a yama danki na Fleming, pero tambe na Quinell Ming i Magueda Jackson ku tambe a entregá un diseño pa partisipá den e kompetensia. Irion a entregá tambe a premio di mil florin ($560) na e ganadó di e kompetensia. 

“Mi por bisa ku tabata un kompetensia fuerte i hopi bon pa mira ku nos hóbennan ta interesá den partisipá den kosnan ku ta regardá nos símbolonan nashonal”, asina Irion a bisa.