Notisia

Komunidat di Skolnan Boneiru ta sondia pa ofresé mas estudionan tékniko

Durante nan bishita na Boneiru representantenan di Deltion College a papia entre otro ku representantenan di MBO Boneiru. Pòtrèt: TGO Deltion College

KRALENDIJK – Komunidat di Skolnan Boneiru (SGB), ta sondia huntu ku algun sosio riba e isla e nesesidat i posibilidat pa bai ofresé mas estudionan tékniko riba e isla, òf ofresé estudio tékniko riba un nivel mas haltu ku ta e kaso te ku awor.

For di kòmbersashonnan ku direktivanan di entre otro Fundashon  Mariadal, Bonaire International Airport (BIA), ContourGlobal i WEB N.V. a sali na kla ku tin un nesesidat grandi di personal téknikamente kompetente riba mas nivel i diferente disiplina, manera téknika di midi i regulá, téknika di proseso, mekatrónika, outomatisashon industrial i téknika di disel.

Saliendo for di e demanda pa awa i energia ku ta kresiendo fuertemente riba e isla, WEB N.V. a kuminsá ku preparashon pa un propio skol empresarial. Sinembargo e empresa ke hasi uzo eksplísitamente di e struktura di enseñansa eksistente na Boneiru, den e kaso spesífiko aki MBO Boneiru.

Deltion College

Deltion College di Hulanda, ku lo bai asistí WEB pa lanta e skol empresarial, a hiba anteriormente e luna aki kòmbersashonnan riba e isla ku entre otro ROA-CN, WEB i BIA tokante posibilidat- i deseonan, i tambe pa hinka estudionan òf parti di nan den e enseñansa di MBO eksistente.

“Den koperashon ku SGB lo bai investigá si por bai ofresé e estudio pa Tékniko Operashonal Integral (AOT) nivel 4 na Boneiru”, Alex Klaassen di TGO Deltion College ta bisa.

Deel dit artikel
Rocargo
Rocargo
Rocargo
Rocargo