Notisia

Konferensia di prensa a duna aktualisashon tokante kontanimashon ku petroli

Presentenan durante e konfrensia di prensa. Pòtret: ABC Online Media

KRALENDIJK – Djamars durante un konferensia di prensa, gezaghèber Nolly Olaena, havenmeester Gunther Flanegin i Judith Raming Mol di STINAPA a duna un aktualisashon tokante e kontanimashon ku zeta krudo, prosedente di e barku di karga ku a senk banda di isla di Tobago. 

“Siman pasá djaluna a tuma nota ku tabatin vlèk di petroli den áreanan pariba di Boneiru. A kuminsá ku limpiesa djamars i a haña sosten tambe di militar i otronan na Boneiru. Nan a yuda te wikènt promé nan a bai for si Boneiru”, asina Oleana a trese dilant. 

E gezaghèber a yama danki na tur hende i instansia ku a yuda pa tene e daño mas limitá posibel. 

Flanegin di su banda tambe a yama danki pa tur e esfuersonan ku a hasi pa dominá e situashon. Flanegin a indiká tambe ku ya ku no a nota mas zeta ku ta bezig ta lèk for di e barku, lo stòp di monitoriá e situashon den dos pa 3 dia. 

Hefe di parke marino, Judith Raming a bisa ku, ounke e situashon por mustra bou di kòntròl ta mihó pa no landa òf piska ainda. E dianan aki ta nota ku tin mas sargaso ta yegando tera i por nota ku den esaki por haña zeta ainda, i tambe animal morto. 

Pió

Den un komunikado ku a saka tambe djamars gezaghèber a nota ku Boneiru den sierto sentido a skapa di algu ku por tabata hopi mas pió di loke ela resultá realmente. 

Deel dit artikel
Rocargo
Rocargo
Rocargo
Rocargo