Kuido i salú

Konferensia Resilensia a papia tokante Salú Mental i ki faktor ta influenshá esaki

Pòtret: OLB

KRALENDIJK – Resientemente, na e konferensia Resilensia a para ketu na e retunan riba tereno di salú mental, seksualidat i stimulante na Boneiru. A papia tambe tokante maneranan pa promové salú mental di nos poblashon. 

Departamento di Salubridat Públiko, Akseso i Mental Health Caribbean a organisá e konferensia, kaminda a papia tambe tokante maneranan pa oumentá resilensia i resistensia di e poblasohon. 

E organisashon ‘Off Limits’ durante e konferensia a mustra entre otro riba importansia di siguridat den bida diario i riba medionan sosial. Oradónan di Programa ‘Nu niet zwanger’ a enfatisá e importansia pa dunadó di ayudo wak si hende muhé i hende hòmber tin deseo di tin yu. Asina hende por skohe konsientemente pa haña yu. 

Akseso na su turno a papia di e motibunan ku hóbennan ta usa stimulante, MHC a papia tokante impakto di asuntu manera pobresa, problema den relashon i trouma riba salú mental di hende i oradónan di Fundashon Mariadal i departamento di Salubridat Públiko a splika dikon mester atendé ku por ehèmpel tabú rònt di HIV. 

Traha huntu

E partisipantenan na e konferensia indiká ku ta importante pa e organisashonnan di kuido kolaborá bon ku otro i ku nan partnernan di kadena. E organisadónan ta wak bèk riba un konferensia eksitoso

Deel dit artikel