KRALENDIJK- Konsehal Cyrill Vrolijk (independiente) djaluna a bisa den un komunikado pa prensa ta ku gran sorpresá mester a tuma nota kon e lider politiko di UPB i èks diputado James Kroon a kritiká gobiernu aktual, pa no subi e supsidio na TCB.

“E motibu dikon nos a keda sorpresá, ta pa motibu ku awor ku e konsehal a aki a drenta konseho insular despues di a sinta den gobiernu pa mas ku 20 aña, ku e tin e kurashi di bin kritika e gobiernu aktual pa ku subimentu di supsidio na TCB. Ta fresku den nos tur nos memoria, ku UPB mes nunka no a subi e supsidio na TCB”.

Segun Vrolijk ta bisa, awor e mesun lider aki ta bin reklama ku gobiernu no ta subi e supsidio. “Nos no sa ku ta problema ku memoria e lider por a haña, pero net e lider aki mester sali reklamá e supsidio, ta hipókresia di marka mayó. Di otro banda nos no por tumé na malu, pasobra e lider aki ta pega den pasado, I por hiba politika bieu so”, asina Vrolijk a Sigi bisa.

Vrolijk ta nota tamd di haña lástima ku Kroonno a paga tino ku den e ultimo aña nan aki, politika a kambia drástikamente. “Loke ku nos ke sugerí e lider antikuá aki ta pa aserka e koleganan den konseho insular, i wak kiko ta e posibilidat pa realmente pa subi e supsidio na TCB. Pero pa kana tira gritu nan sin base den haltu, no ta e manera pa  atendé interés di Boneiru”.

Montante bruto

Vrolijk den su karta ta bisa tambe ku tin hopi kos ku no ta muchu kla ainda, pa loke ta trata e prosupuesto pa TCB. “Ta un montante bruto a ser pidí, pero no a wak kiko den ehekushon ta enserá. Ta esaki ta e lokual ku nos ke pa e lider di UPB kompronde. No sali tira grito bashi den haltu, mientras ku esaki ta bo propio falta pasobra ku nunka boso mes no a subi e supsdio di TCB”.

Vrolijk a klousurá su komunikado bisando ku awor kisas e lider por a bira grandi I ta lubidá kiko nan mes NO a hasi. “Ela bira chinini kome lubida. Pero nos si ta na tino I bon bei!!”