Konseho Insular desapuntá ku ousensia di Gezaghèber den Komishon di Covid-19

Kralendijk- Konseho Insular djaweps atardi a ekspresá desapunto pa e echo ku gezaghèber Edison Rijna no tabata presente den e reunion di Komishon Covid den Konseho Insular. Banda di Gezaghebber tambe tabata ousente diputado Nina den Heyer pa motibu di karentena preventivo, di manera ku no tabata tin ningun miembro di Kolegio Ehekutivo presente pa e reunion.

Rijna di antemano a indiká ku e lo no por tei den Konseho Insular awe, dor ku nan mes momento e tabata bai duna un konferensia di prensa, huntu ku dòkter Luinstra-Passchier.

Daisy Coffie (Frakshon Coffie) a bisa ku e tabata haña lástima ku gezaghèber no tabata tei pa a duna informashon na Konseho Insular. “Tin hopi preokupashon ta biba bou di pueblo ku e subida di kasonan di Covid. Banda di esei tambe nos a tende ku ti e variante britaniko aki na Boneiru, pero nos komo komishon di Covid tin poko informashon”, asina Coffie a bisa.

Coffie a bisa tambe ku e tabata eksperensiá den pasado ku for di ora EBT tabata bèk riba pantaya, Konseho Insular no ta haña masha informashon.

Rèspèt

Esther Bernabela (UPB) a bisa ku e por komprondé ku gezaghèber tabata tin otro kompromiso, pero ku tòg ela eksperensiá ausensia di e mandatario komo un falta di rèspèt.

Abraham (PDB) tambe a bisa ku e ta lamentá ausensia di Rijna. “Nos ta ménos ku 1 siman for di fecha di Elekshon pa Tweede Kamer i niun hende no sa kon esaki ta bai tuma lugá asina Abraham a bisa. Abraham a agregá ku apenas 1 siman pasá a hasi palabrashon konkreto kon lo bai atendé ku e komishon i despues di un siman ya no ta kumpli ku e palabrashonnan.

---

Lesa tambe:

• 
  Kiwanis Club of Kralendijk Bonaire tin un direktiva nobo i ta selebra di 5 aniversario 
• 
  Bonaire Tourism Summit 2023 a start na Courtyard Hotel
• 
  Paga tinu riba uso di awa | Aviso
• 
  JetAir Caribbean Ta Cuminsá Buelanan pa Boneiru dia 1 di November
• 
  Servisionan di investigashon di krímen ta interseptá boto ku paranan eksótiko i arma