Boneiru

Konseho Insular ta interogá direktor di hospital Frans durante oranan largu

Frans a tuma su tempu pa duna kontesta riba e diferente preguntanan, pero no a logra konvensé riba tur punto. 

KRALENDIJK – Direktor Giovanni Frans di Fundashon Mariadal a pasa vários ora djabièrnè atardi pa anoche den e konseho insular pa ta kontestá preguntanan ku ta parti di Komishon Komunidat i Kuido a hasi na dje. 

Durante e reunion e topikonan prinsipal tabata entre otro e posibilidat di prolongá e kontrakto laboral di neurólogo Richard Beukers, e temátika di Air Ambulance i e problemátika di atmishon di profeshonalnan médiko ku no tin registrashon di BIG. 

Frans a keda kalmo bou di e avalansha di preguntanan krítiko ku a wòrdu hasi na dje, i a hasi su best pa duna e miho kontestanan posibel. Basá riba e preguntanan adishonak ku a wòrdu hasi, mester bida ku Frans no a logra konvensí e miembronan di komishon por kompleto, ora tabata trata di maneho di Mariadal i di desishonnan tumá. 

Esnan ku a sigui e debate por a nota ku e miembronan di komishon a profundisá nan mes den e materia i a bin ku diferente pregunta skèrpi i al kaso. 

Elogio

Frans a haña elogio di vários miembro di komishon pa e echo ku finalmente ela bin duna splikashon nan konseho insular. i pa kontestá preguntanan ku tabata tin hopi tempu pendiente. Den sierto kaso ta trata di kosnan ku a kousa un sierto intrankilidat den komunidat.

Deel dit artikel
Rocargo
Rocargo
Rocargo
Rocargo