Aerolinea i biahamentu

Konseho Insular ta sigui deliberá tokante kambionan den Visitor Entry Tax

E kambionan mester hasi entre otro ‘day trip’ nan pa i for di Boneiru mas alkansabel atrobe. Pòtret: ABC Online Media

KRALENDIJK – Komishon Permanente B&O di Eilandsraad a reuní pa di dos biaha e siman aki pa diskutí kambiónan deseá den e impuesto ku bishitante mester paga na drenta e isla.

E kambiónan deseá ta salí for di dos evaluashon di e sistema eksistente, ku a trese na lus vários efekto ménos deseabel. 

Kolegio Ehekutivo lo preferá pa bin ku un ordenanansa kompletamente nobo, pa kambia e sistema aktual pa unu ku ta kompletamente nobo i mas balansá, pero ta rekonosé tambe ku ta deseabel pa eliminá e puntonan negativo di mas agudo riba un termino mas kòrtiku.  

E kambiónan prinsipal lo ta mihó definishon ken ta un yu di tera òf no, un tarifa mas abou òf asta dispensashon kompletu pa hende ku ta bin Boneiru pa eventonan deportivo, i un balides mas largu di e kódigo QR ku un bishitante ta paga ora e drenta Boneiru. Esaki lo fasilitá si un bishitante hasi bishitanan na islanan besino, ku e no mester bolbe paga kada bes ku e drenta bèk na Boneiru. Tambe ta konsiderá pa bin un tarifa spesial di ‘day trippers’ ku ta bishitá Boneiru pa un solo dia pa bai bèk for di unda nan a bin. 

1 di yüli

Kolegio di Gobièrnu ta tin komo meta, huntu ku e Eilandsraad, lage e kambioonan a ki na vigor pa dia promé di yüli 2024.

Deel dit artikel
Rocargo
Rocargo
Rocargo
Rocargo