Kontagio nobo di Covid-19 subiendo rápidamente na Kòrsou

Willemstad- Den apenas un par di dia, e kantidat di kontagio na Kòrsou a subi basta drástikamente, yegando na no ménos ku 94 kaso nobo riba djasabra.

E kantidat di kaso ‘aktivo’ tambe a subi basta drástikamente te na 332, kompará ku apenas 30 kaso algu mas ku un siman pasá.

E bon notisia sinembargo ta ku e subida den kantidat di kaso, no a kondusí na mas hende ku ta wòrdu interná na hospital ku kehonan okashoná dor di e virus. Entretantu Gobièrnu di Kòrsou a reintrodusí e obligashon pa hasi un tèst di PCR promé ku por subi avion.