Kralendijk- Den oranan di anochi riba djaweps 11 di mart, polis den kolaborashon ku e direktorado di Supervishon i Mantenshon i KMAR, a tene un akshon den kuadro di kumplimentu ku e ordenansa di emergensia.

Durante di esaki a bishita diferente bich i establesimentu di hòreka. Direktorado di Supervishon i Mantenshon, den kolaborashon ku KPCN, a sera algun establesimentu komo ku nan no tabata tene nan mes na e reglanan, por ehèmpel tabatin kliente ku a keda para bebe pafó. Tantu na algun bich komo snèk, mester a pidi hendenan pa bandoná e sitio. No a duna niun but komo ku e gruponan a duna oido mesora na òrdu nan di polis.

Proses ferbal

KPCN i partnernan lo sigui kontrolá riba kumplimentu ku e ordenansa di emergensia den e temporada benidero. No ta ekskluí ku lo duna tantu siudadano komo kompanianan prosès ferbal si no kumpli ku e ordenansa di emergensia.

• 
  Otro piloto Boneriano a bira Kapitan riba avion di Z Air
• 
  SGB ta ofresé aktividatnan gratuito despues di skol
• 
  Lista grandi di partisipante na e torneo International Bonaire Bolas Criollas  
• 
  Delfins Beach Resort lo bai afiliá na kadena di Hilton
• 
  Fundashon Ambulans Deseo ta bai kumpli deseo di pashènt na Boneiru